БЧХ - Чамд

1
Болох болохгүйгээ үзээдхэе гэсэн үү
Таарч тохирохоо шалгаадхая гэсэн үү
Нэг хоёр уулзаадхая гэсэн үү
Нэр ором төдий учраадхая гэсэн үү

Үнэн сэтгэлийн үнэрийг дарах
Үгэн тоглоомоос хэргээр тойрч
Ил далд санаагүйгээ илтгэж
Ил цагаан шууд хэлсэн билээ

БЧХ - FATE, TIGER N DEER

Чи надад “үгүй” гэж хэллээ.

Энэ үгийг чи сандарсандаа хэлсэнгүй. Саваагүйтэж хэлж үзмээр санагдаад хэлсэнгүй. Ичиж, ичингүйрдгээ харуулах гэж хэлсэнгүй. Анхны удаад амнаасаа сул унагасангүй.

БЧХ - Өөрөөр байгаач

— Байгаагаараа битгий байгаач?
— Юу гэнэ ээ?
— Шал өөрөөр байгаач? Надтай шал өөрөөр харьц. Жүжиглэ. Хуурмагла!

БЧХ - Санаархал мину

Би чамаас чамайг гуйж байгаа юм биш. Чамайг болон өөрийгөө чамаас ч, надаас ч өмнө байсан гоё сайхны үргэлжлэлд зориулах гээд байгаа юм.

Би чиний гоо үзэсгэлэнг бишрэн бахдагч биш юм. Гоо үзэсгэлэнг чинь бадраан цогцлоогч юм. Би! би! би л чамайг бүрэн бүтэн болгож чадах хүн мөн юм байна гэж ойлгож мэдсэн нэгэн юм.

Чамгүйгээр би амьдарч чадахгүй байгаа юм биш. Чамгүйгээр амьдарч чадахгүй болмоор байгаа юм. Бүхэл бүтэн байхаасаа татгалзаж, бүхэл бүтэн зүйлийн өрөөсөн нь болж тэр бүтэн зүйлдээ бүрэн шингэх аялалдаа хамт гарах гээд байгаа юм.

"Анна Каренина" зохиолын хэлэлцүүлэг

Хачирхалтай юм аа. Энэ удаагийн бичлэг маань "Гэм зэм зохиолын хэлэлцүүлэг" бичлэгтэй тун ойролцоо хувь заяаг туулж та бүхний гар дээр хүрч байгаа юм байна. "Анна Каренина" зохиолоор "review" бичнэ гэж яг жилийн өмнө хүмүүст ам гарсан боловч тэр дор нь бичиж дөнгөлгүй, 3 сарын турш нухаж нухаж арай гэж дуусгаад унших хүмүүс рүү нь явууллаа. Дараа нь сар гаруйн дараа уулзаад таг чиг байсан болохоор нь нэрэлхэн байж "уншив уу? ямархуу болж?" гэж асуувал нэг нь ч бүрэн уншаагүй гэж хэлж билээ :)

Засаж янзлалгүй яг тэр хэвээр нь энд нийтэллээ.

"Анна Каренина" зохиолын хэлэлцүүлэг

Хайр дутуугаас үүдэлтэй өвдөлт зовиур өчнөөн төрөл янзаар байх боловч, хайраар бялхаж дүүрэх жаргал ганц л байх ажгуу.

— Эмзэг: Байз, байз. Аннагийн амьдралыг Вронскийтой учиртал зүв зүгээр, ямар ч асуудалгүй хэвийн байсан гэх гээд байна уу. Вронский л хөөрхий бүсгүйг дурлал гэх дарсанд автуулж толгойг нь эргүүлээд "тэр бүх" ээдрээ нугачаа руу хөтлөн аваачсан гэх гээд байна уу.

— Мундаг: Яг тийм. Бид яг тэгэж ярилцаад байж байлаа.

— Эмзэг: Хоцорч ирсэнд уучлаарай. Гэхдээ та нарын анзаарч ярилцаагүй байсан зүйлийг дэлгэж ярилцвал цааш явалгүй, энэ сэдэв дээрээ жаахан азнаж болно биз дээ. Зохиолын эхэнд Аннаг Петрбург орохдоо галт тэргэнд ямаршуу байдалтай байсныг, тэр дундаа тэр нэг чичлүүр хутганд их хачнаар татагдан гэх үү хорхойсон тэчьяаж байсныг ярилцсан уу?

— Мундаг: Тэр тухай дэлгэрүүлж ярилцаагүй юм байна. Энэ тэгээд тийм их хамаатай гэж үү? Бас дээр нь юун чичлүүр хутга болоод явчихдаг билээ?

— Эмзэг: Хамаатай! Хамаатай! Хамгийн их хамаатай! (гэж киноны хэсгээс ишлэн хошигнох аястай хэлэх зуураа, гадуур хувцсаа янзлаад суудалдаа тухлаад ярьж эхлэв)

— Эмзэг: Анна галт тэргэнд байхдаа нэг чичлүүр хутга гаргаж ирээд хацар, хүзүүндээ нааж үзэн их л таашааж явдаг. Номыг нь уншаагүй ирсэн хүмүүс ч гэсэн анзаарсан байж магад. Кинон дээрээ энэ хэсэг дүрслэгдсэн байдаг.

БЧХ - Би чамайг хайрладаг

Чамайг би хэн нэгэнтэй, магадгүй өөртэйгээ хардаж зүүдэлсэн тэр шөнийн дараа чамтай ийм яриа өрнүүлж байна гэж бас зүүдэллээ:

— Чи надад хайртай юу?

— Хайртай.

— Тэр намайг шөнөжин эдэлж хоносон.

БЧХ - Баяртай, Чи минь, Хайрт минь

Би дурлан шаналж байна.
Гэвч би чиний төлөө илүү санааширч байна. Юу гэвээс би шаналал зовлонгоо хүлээн авч байна. Энэ миний л шаналал зовлон, өөр хэнийх ч биш, би л үүнийг шаналж зовж, шархалж зовиурлаж дуусгах ёстой.

Харин чи минь гарцаагүй ирэх ёстой шаналал зовлонг хүлээн авахаас татгалзаж байна. Шаналал зовлон огт байхгүй хэмээн шүд зуун инээмсэглэж байна. Инээмсэглэж байгааг чинь харж, "чи инээмсэглэж байна, чи жаргалтай байна" гэж хэлсэн хүмүүс чамд "би аз жаргалтай байна шүү дээ" гэсэн бодлыг зүүж өгч, зовлонг чинь нимгэлж байгаа юм шиг байж, инээмсэглэн буйг чинь харуулж байгаа толь чамайг аз жаргалтай болгож байгаа юм шигээр санаж, улам улмаар тэр толинд ойртож, ойртох тусам толь инээмсэглэл хоёрын үзүүлж байгаа аз жаргалтайн тухай илбэний үнэмшил нь тодорч тэр толины цаанах ертөнцөд үлдчих юмсан гэж боломжгүйг болгох гэж тэчьяадан байна, чи минь...

БЧХ - Хардлага

Чамтайгаа ингэж ярилцаж байна гэж зүүдэллээ. Зүүднээсээ сэрсэн ч, зүгээр л зүүд
гэж бодсон ч зүүднээсээ их хилэн тээж иржээ. Хардсан бодлоо хайгаад олоогүй ч,
хардсан мэдрэмжтэйгээ, хардаж хилэгнэн өдрийг өнгөрөөлөө:

- 2 уулаа адилхан болохоор нэг нэгэндээ татагдаж байна...
- 2 уулаа адилхан болохоор бас нэг нэгнээсээ уйдна шүү дээ...
- Уйдахаас минь өмнө чи өөрчлөгдөж чадах уу?
- Яагаад заавал би гэж? Чи байж болдоггүй юм уу?
- ... (чи юу ч дуугараагүй)
- За яахав би байг. Би өөрчлөгдөх юм байна тээ, чи тэгээд өөрчлөгдсөн тэр өөр
  хүнийг хайрлана гэсэн үг үү? Чамайг тэгээд өөр хүн хайрлахыг чинь намайг
  хараад тэснэ гэж бодоо юу? Аль эсвэл тэр үед чинь би өөрчлөгдөн, одооны би
  байхгүй болчих юм чинь надад мэдэгдэлгүйгээр яасан ч хамаагүй гэж байгаа юм
  уу.
- ... (чи бас л юу ч дуугараагүй)
- За яахав би өөрчлөгдөе. Ерөөсөө л би байн байн өөрчлөгдөөд байя. Чи хайрлаад
  байж чадах уу, өөр өөр хүн хайрлаад байж чадах уу. Чи ер нь юунд татагдаад юуг
  хайрлах гээд байгаа хүн бэ? Өөр болчихсон би, өөр хүмүүсээс юугаараа ялгарах
  юм? Хайрлахад амар гэж үү, амар хялбарын тухайд ялгаагүй л байх аа даа. Аа би
  мэдлээ. Өөр хүн хайрлаж байгааг чинь өөр хүмүүс мэдэхгүй шүү дээ. Өнөө л
  намайг л хайрлаад байна гэж бодсоор байна. Харин тэгтэл би өөрчлөгдөн, чи тэр
  өөрчлөгдсөнийг нь хайрлаж байх нь... Чи өөр өөр хүн хайрласаар байх боловч
  үнэнчийн алдартайгаа байх нь!

БЧХ - Нуугдаж тоглох уу - 1

Хоёулаа нуугдаж тоглох уу. Би нуугдлаа шүү.

Хайя л даа чамайгаа, харах нүдээ боогоод хайх уу би...

... Яасан бэ чи минь, арай л амархан олоод байна уу? Нээрээ шүү нээрээ, юу ч харагдахгүй байна, хажуугаар нь хараагүй, булхайцаагүй. Харин чамайгаа хачин тансаг үнэрээр чинь л хайж олоод байгаа юм шүү дээ.

Хайя л даа чамайгаа, хамраа бас нэмээд бөглөчих гэж үү...

"Гэм зэм" зохиолын хэлэлцүүлэг

Уучлаарай уншигчдаа. Товчхон өмнөтгөл биччихье. Энэ удаагийн бичлэгийг анхнаас нь блогдоо оруулна гэж төлөвлөлгүй өөр юманд зориулж бичсэн ч өөр газар огт нийтлээгүй блогтоо анх нийтэлж байгаа болно. Жилийн өмнө "Гэм зэм" зохиолоор "review" бичнэ гэж ам гарсан боловч ер өөдтэй болж өгөхгүй өвөл хавар дамжин гурван сар шаналж байж арай гэж дуусгаад 3 хүн рүү явууллаа. Дараа нь уулзаад "ямархуу болж?" гээд асуувал нэг нь уншаагүй, нөгөө нь уншаад юу ч ойлгоогүй гээд, харин гуравдахь нь "чи ер нь их солиотой хог байна шүү" гэж хэлж билээ :)

Жаахан засаж янзлах хэрэгтэй санагдаад далд хийчихсэн байсан чинь нэг мэдэхэд нэг жил өнгөрчээ. Саяхан гаргаж ирээд гүйцээж янзалсан болоод нийтэлж байгаа энэ.

"Гэм зэм" зохиолын хэлэлцүүлэг

- Агуу уярам чадаагүй, бүтээгүйн түүхийн хажууд эгэл даруухан чадчихсан болчихсон түүх илүү биш гэж үү.
- За яахав. Би тэгвэл агуугаас агуу уярам, чадаагүй болоогүйн дэлгэх юм уу хаашаа юм! Утга учир, үр дүнгийн тухай яриаг чинь сөргүүлэн автахуй, уярахуй ярих юм уу? ...

...

Эмзэг: Чи тэгэхлээр энэ зохиолыг агуу гавьяа төлөвлөчихөөд түүндээ хүрж чадаагүй, магадгүй бүүр хүрч чадаагүй нь яалт ч үгүй гарцаагүй байсан мэтээр аргадан тайлбарлаж буй уярам түүх гэж үзэж байгаа хэрэг үү?

Мундаг: Яагаад үгүй гэж?

Хувиа хичээж, магадгүй өч төчнөөн увайгүй муухай зүйлс хийн байж хурааж хуримтлуулсан хэдийгээ дайчлан гарамгай гавьяа байгуулдаг байсан, мөн үргэлжид хүн төрөлхтний сайн сайхан үйлсийн ул суурь, охь шим нь ийм л замаар бүрэлдэж байсан бол? Ийм л байсан, үргэлжид бас ийм байхаар бол, бас дээр нь би үүнийг мэдчихээд байгаа бол... би юу хийх вэ? Чи юу хийх вэ?

Соломон - Дуунаас дуулдсан дуу (1)

дарснаас нэрэгдсэн дарс, дуунаас дуулдсан дуу

1-р хэсэг

(Бүсгүйн дуулал)

- Амраг минь намайгаа үнсэг
Амраг халуун хайраа амлуулан амсуулан үнсэг
Амтат дарсанд ч дарагдамгүй
Амь сүнсний минь ангааг тайлан тайлан үнсэг

БЧХ - Хамар ба уруул

Дурласаныг чинь мэдээд, дурлалыг чинь хүлээж авахаар дурлан барин бэлдэж эхэлсэн.

... Яагаад заавал хамар гэж би гайхсан. Зүрхний чинь өчлийг яагаад заавал хамар чинь хашгичиж хэлэв гэж гайхаж удаан балмагдсан. Гүн шөнийн нойрондоо, нойт даасан зүүднийхээ оргил мөчид тайлалыг би нь олсон.

БЧХ - Чи бид хоёр

Хичээлийн засварлагааны хэдхэн минутанд сургуулийн гол шатны тэнд өчнөөн төчнөөнөөрөө хүмүүс (за яахав хүүхдүүд) холхилдон зөрж байхад яг тэнд "та бид хоёр" зөрж, "чи бид хоёр" бололцсон.

БЧХ - Би худалч, чи будмал

Чи бол тэ? Чи минь харин надаасаа шал өөр шүү. Яаая. Ямар гээчийн сайхан гэж дүйцүүлэн хэлэх юм бэ, чамайгаа. Хаанаас нь яаж эхлэмээр юм бэ дээ. Гоё сайхныг чинь хаанаас нь эхлэн дурдах вэ. Дурдахаас ч зүрхшээн дуугүй л сүрдэн сууж байх уу?

Чи минь сайхан шүү, хөөрхөн шүү. Ямар ч агуа, гуа сайханд ямар нэг засвар заавал байх хэрэгтэй байдаг биз дээ. Тийм л засварыг чи минь хийсэн шүү дээ.

БЧХ - Би худалч ...

Би бол тэ? Би бол ерөнхийдөө их дажгүй залуу. Даруухан байх гээд дажгүй гэдэг үг сонгочихлоо. Дарж багасгалгүй хэлэхэд ерөөсөө сайхан залуу. Тун чиг сайхан залуу!

БЧХ - Намайг дуудаарай

Чи уйдахаараа намайг дуудаарай. Би уйтгар гунигийг чинь үргээж хөөж явуулчихаад, утга гүехэн наргиагаар ухааныг чинь баясгаж бялууруулж, цаг хугацааг анзаарах сөхөөг чинь алдуулан, чамайг уйдаалгүй цаг хугацааны хажуугаар өнгөрөөж өгье. Чиний хонгор салбадай нь.

Гэхдээ харамсалтай нь

БЧХ - Гийгээч

Гоо сайхан ертөнцийг аварна

Ай чи минь ертөнцийн найдвар болон гийгээч. Гоо үзэсгэлэнгээ гийгүүлэн дэлгээч. "Ерөөс гоо үзэсгэлэн гэдэг чинь дэлгээтэй, тайлаастай, нүцгэлээстэй гоо үзэсгэлэн биш гэж үү"

БЧХ - Долоо дахь захидал

Чамайгаа хайж хаагуур л эс явавдаа. Юуг эс туулж, юунд эс орооцолдов доо. Юунд надаасаа нуугдан дөлнөм?

Гоо үзэсгэлэнгээ нэгмөсөн сэрээчихээд, гоо үзэсгэлэн нэгмөсөн болчихоод надтайгаа учрах гэж байна уу чи минь?

БЧХ - Хаврын мэнд

Хайрт минь хаврын мэнд... Хаврын мэнд хайрт минь! Хавар болж байгааг хамгийн түрүүнд чамдаа дуулгах гэж яарлаа.

Цаана чинь! Хавар айсуй!

БЧХ - Би чадахгүй нь ээ

Би юу чадахгүй вэ? Би чамд сайн байж чадахгүй. Би чамайг харан харан шохоорхон явж чадахгүй. Би чамайг сэтгэлийнхээ мухарт тээн явж чадахгүй. Би ерөөс үлгэн салган байж чадахгүй. Үлгэн салган дурлаж бол бүүр чадахгүй.

Чамаар сэтгэл зүрхээ тэр аяар нь дүүргэж, эзлүүлж тэгээд өөртөө жаахан зай ч гэсэн авч үлдэх гэж тэмцэж гуйж бол чадна.