Үхлийн трагеди

Үхчихээд үзэмжиндээ хоргодож эргээд амилна.
Үүрд үүрд гэж шунаад үхэж чадалгүй энд хоргодно.
Хоргодон хоргодон тэмүүлэвч
Хоргодох газар үгүй тул
Оргүйн гүнд, хязгааргүйн хязгаарт
Оршихуй болоод хоосны хооронд
Орь ганцаар мөнх хийсэн үлдэх

Би чамд хайртай

Лалганан тэмүүлэх хүсэл минь
Сулхан тавимгүй ороо доо
Лазагнан булгилах зүрх минь
Цохилоод гавимгүй дорой доо

Маа минь чи...

Уйдчихлаа. Өөрөөсөө гаргаад байгаа өнгө аясаасаа уйдчихлаа...
Арай жаахан өөр сэдэв юм уу төрлийн бичлэгүүд оруулж зугаацдаг ч юм уу гэж бодсон боловч арай л эвлэсэнгүй. Тэр өөр өнгө аясаа хайж байна :P Эрэл амжилттай болтол байж байг гээд дөнгөж саяхан дуусгасан нэг шүлгээ нийтэлчихье.

Амьдрал

Байгаадаа ханасан баяраар Байхгүйн зүг хөөрнөм.
Байхгүйн зүгт баяраа барчихаад Байдалдаа буцнам.

Мастурбаци

Үхлийн үнэр

Илэрхийлэл

Нүдээ анисан. Нүдээ мартчихсан.
Амаа жимийсэн. Амаа мартчихсан.
Хөлөө завилсан. Хөлөө мартчихсан.

Хундаганы үг - Сарнай

Сарнайхан минь чиний төлөө.
Санаанд багтамгүй тэнэгийн чинь төлөө.
Цэцэгхэн минь чиний төлөө.
Цэвэр ариун зовлонгийн чинь төлөө.

Ноднин хаврын шүлэг

Би ганцаардлын билэг тэмдэг.
Би ганцаардлын биелэл... тэмүүлэл...
Шаналал бугшсан тэмүүлэл.
Шархлаа нь лугшсан хэмнэл... цамнал...

Бестсэллэр

Он цагийн хуулийг зөрчиж булхайцаж
Одоодоо чи гялалзаж байж болно
Цагийн нүдийг гурилаар хуурч
Цахилж явахдаа чи бестсэллэр болж болно

Чиний тухай гуниг

Гэрэл гэгээ чиний тухай гунигийг шатаана.
Гэгээн тэр гуниг юутай сайханг гэрэл даанч мэдэхгүй.

Сэрэхгүй байж магадгүй

Сэрэхгүй байж магадгүй.
Сэрүүлэг тавиад дурлая.
Сэрүүлэг дуугартал дурлалцая.

Битгий л дээ

Битгий л дээ битгий.
Битгий над руу ингэж хараач?
Би бүүр гэмтэж дуусах нь...

Бодол бид 2

Бодлоо өөртөө нуугаад бодол дотроо өөрөө нуугд.
Бодол дотроо нуугдаад бодлынхоо гадуур үгээр хана барь. Яг ингэж барь.
Бодол руу чинь нэвтрэх гэсэн нэгнийг тэр үгээр хуурч төөрүүл. Яг ингэж хуур!

Тамхи тэр хоёр

Нэг нэгнээ татна.
Нийлээд хоёулаа орчноо татна.
Уруу татна.
Урагш нь мэт татна.

Болхи мэдрэмж - 2

Хайр мэдрэгдэхгүй байлаа. Юу ч мэдрэгдэхгүй байлаа.
Хардаж үзэв. Ямар нэг юм мэдрэгдэв. Энэ лав хайр байх.
Хайр мэдэрмээр байлаа. Хайр мэдрэгдэхгүй байлаа.
Хардлаа. Хайр мэдрэгдэв. Хайрыг ингэж л мэдэрч байхаас...

Болхи мэдрэмж - 1

Арьсандаа арьсаараа хүрэв.
Аль ч арьсанд нь арьс мэдрэгдсэнгүй.
Арьсанд мэдрэгдсэнгүй. Юу ч мэдрэгдсэнгүй.

Юугаар?

Юугаар бүтээгдэж биежсэнгээ нуусан байх аа?
Юунаас ч сод намуун орших юм чи.

Юугаар нууцад нь нэвтрээд байгаа чинь нууц байх аа?
Юуны ч тухай нууц үнэнг мэдчихсэн байх юм чи.

Юугаар чимсэн бас гоёсон чинь нууц байх аа?
Юу нь үл мэдэгдэх сайхныг цацраах юм чи.

Юугаар чи надад нөлөөлнө вэ? Нууц байх аа тээ?
Юуг ч надад мэдэгдэхгүйгээр намайг өөрчлөх юм...

Тийм сайхан

Шаналах шиг сайхан
Шархан дээрээ гараа тавих шиг сайхан
Шархаа хөндөж тоглох шиг сайхан
Шаналангаа зовох шиг сайхан...

Сонгодог оршихуйн нууц

Үхэл мэт орш!
Үргэлжлэл мэт төгсгө!
Үнэн мэт хуурмагла!
Үүрд мэт хоргод.