Хундаганы үг - Сарнай

Сарнайхан минь чиний төлөө.
Санаанд багтамгүй тэнэгийн чинь төлөө.
Цэцэгхэн минь чиний төлөө.
Цэвэр ариун зовлонгийн чинь төлөө.

Харамлаж ядаж байгаа харцны чинь төлөө.
Харанхуйд нуусан нууцын чинь төлөө.
Хагацаж чадахгүй байгаа өчигдрийн чинь төлөө.
Хариу нэхэж байгаа маргаашийн чинь төлөө.

Хумигдан тарчилсан дэлбээний чинь төлөө.
Хуурамч бүхнээ хамгаалсан өргөсний чинь төлөө.
Худал хуурмагтай хийсэн гэрээний чинь төлөө.
Хуучин цагийн мунхаг алдрын чинь төлөө.

7 comments:

  1. Draft-д их удсан бололтой юм хөөрхий.
    Хундага өргөөгүй удсан санагдахаар нь нийтэлчихлээ :P

    ReplyDelete
  2. надад зориулсымуу гсн :р

    ReplyDelete
  3. Ollie > Зориулсан эзэн байхгүй л дээ. Зориулалтыг нь чи өөр дээрээ авбал ав ав :)

    ReplyDelete
  4. авлаа тэгvvл :D

    ReplyDelete
  5. За цээжлээд авчлаа найзынхаа хуриман дээр уншвал яах бол болно биз дээ :)

    ReplyDelete
  6. Ollie > За тэгвэл иймэрхүү хувилбар байж болох юм байна :P:
    ...Олли минь чиний төлөө.
    Ой тойноос давсан тэнэгийн чинь төлөө...

    Falcon > Ээш. Ийм юмыг найзынхаа хурим дээр уншдаг нь яаж байгаа юм. Хөөгдөж гарах л байх аа даа :P

    ReplyDelete