Навчин доороо бөнжийх жимс шигийг...

Хүндэт уншигчидаасаа яаран хүлцэл өчих минь. Нэг сэхээ авахнээ нэлээн удаан хугацаагаар бичлэг оруулаагүй байх юм. Гэхдээ удахгүй нэг хэсэг бичлэг оруулахаар сэдэв олчихоод, бэлтгэн байгаа тул түүнийг эхэлтэл та бүхнийгээ таавар сэлтээр зугаацуулан байя гэж бодлоо.

Доор сийрүүлсэн нь нэгэн гадаад дуучин хүүхний дууг орчуулж үзсэн оролдлого маань юм. Тэгвэл энэ ямар дууны орчуулга болохыг тааж хэлнэ үү. Бяцхан сэжүүр цухуйлгахад Англи хэлнээс орчуулсан (энэ нь таахад дөхөм болох байх), даанч өөрийн минь Англи хэлний мэдлэг маань машид муу тул утгыг нь дураараа өөрчилчихсөнөө ч өөрөө мэдэхгүй байх магад. (за энэ балай явдал л тааврыг ихэд бүрхэгдүүлэх байх даа :D)

Аялгуу мэт чи, бурхны л мутраар хөглөгдөө юү
Андуурахын учиггүй энэ эгшиг чиний л зүгт юунд хадах...

Чи тэгээд орон зайг эзлэм сүрлэг байхаар
Чин хүсэлт халамжаа нуух газар эрэхдээ
Навчин доороо бөнжийх жимс шигийг
Хувцсан дороос чинь би олно

Хувцсаа тайл хонгор минь
Төгсөшгүйгээр үүнийг эхлүүлье
Би чамайг сонгосон болог (болъё)
Бид миний сонгосон газар байг (байя)
Бүгд ер нь хүссэнээр минь болог
Тэгээд л би чамдаа аль сайхнаараа байя

Чамайг байгаа учраас ялихгүйн төлөө хуурмаглахыг би мартсан
Чамайг л байгаа учраас би өнгөрсний төлөө уйлахыг больсон

Үдэшлэг тарсан ч, найзууд явчихсан ч,
Үргэлжлүүлэн бид нэг нэгэндээ хоргодсоор байх

Хувцсаа тайл хонгор минь
Төгсөшгүйгээр үүнийг эхлүүлье
Би чамайг сонгосон болог (болъё)
Бид миний сонгосон газар байг (байя)
Бүгд ер нь хүссэнээр минь болог
Тэгээд л би чамдаа аль сайхнаараа байя

Би чамдаа энэ хорвоо дээрх бүх зүйлээс ч илүүтэй хайртай
Хөдлөхдөө, алхахдаа, ярихдаа, амьсгалахдаа ч
Хайрласаар байхыг минь үнэн гэдгийг чи мэднэ.
Өө хонгор минь энэ жаахан инээдтэй байна уу

Аниргүйн уудмаас аялгуу эгшиглэх шиг,
Алс хязгааргүйн гүнээс гэрэл гялалзах шиг
Бүсгүй хонгор аалиндаа бүрэн нэвччихсэн юм шиг
Ай яг л тийм мэдрэмжиндээ бүрэн автчихаад байгаад минь
Чи минь бараг л итгэхгүй дээ

Хувцсаа тайл хонгор минь
Төгсөшгүйгээр үүнийг эхлүүлье
Би чамайг сонгосон болог (болъё)
Бид миний сонгосон газар байг (байя)
Бүгд ер нь хүссэнээр минь болог
Тэгээд л би чамдаа аль сайхнаараа байя

7 comments:

  1. Shakira - Underneath you clothes :)

    @GansukhB

    ReplyDelete
  2. Хохо нээрээ хэцүү болгосон байна :P

    ReplyDelete
  3. Underneath ur clothes u? Neree iim ugtei biluu gej haritsuulj sonslooshde kk
    Аниргүйн уудмаас аялгуу эгшиглэх шиг,
    Алс хязгааргүйн гүнээс гэрэл гялалзах шиг
    Бүсгүй хонгор аалиндаа бүрэн нэвччихсэн юм шиг
    Ай яг л тийм мэдрэмжиндээ бүрэн автчихаад байгаад минь
    Чи минь бараг л итгэхгүй дээ orchulag ni ih taalagdlaa.

    ReplyDelete
  4. ШИНЭ содон юм бичээрэй
    Хүлээж байна шүү

    ReplyDelete
  5. hehe, ta dahiad neg sehee awahgui muu

    ReplyDelete
  6. Лаг л хөрвүүлсэн байна ш дээ андаа :)

    ReplyDelete