Урсгал-1

Ойлгочихлоо. Ойлгогдож байхыг бодвол олиггүй эд бололтой. Дурлалыг ойлгочихлоо. Утгыг нь ойлгочихлоо. Олон олон ойлгочихлоо гэж хашгичдаг хүмүүсийн хэмжээнд л ойлгочихлоо. Тэгээд бас тэр хэмжээнд л хашгичиж байна даа...

Товчхондоо дурлал бол шальтай гайхам зүйл биш л дээ. Хичнээн дурлалын шарханд илчтэй халууран байгаа ч дурлал бол физик утгаар үйлчлэл нь тайлбарлагдчих, дурлалтай холбоотой элдэв сэтгэлзүйн асуудлууд нь тоглоомын онолоор тайлбарлагдчих тийм нэг л асуудал гэж бардамнах...

Дурлал бол урсгал. Тэр бол зүгээр л урсгал. Тиймээс тэр урсгалыг үнэт эрдэнэ мэт тээж тээр болгон өөртөө бүү хадгал. Урсгалыг хадгалдаггүй юм. Урсгалаар уул босгодоггүй юм. Болдоггүй юм. Босдоггүй юм.
Амраг сэтгэлийн ундарга, хуримтлалын аль нэг нь л байгаа бол урсга урсга. Дурлал гэж нэрлээд урсга.
Янаг тачаалын урсгал, хуримтлалын аль нэг нь л байгаа бол урсга урсга. Амраглал гэж нэрлээд урсга.

Өөрөөсөө урсгаж өөрийгөө чөлөөл. Өөр нэгний урсгалыг өөр дээрээ тосож түүнийг чөлөөл. Өөрөө харин тэр урсгалаар нь сэлбэгдэн төгөлдөрж.

Урсгал яаж урсдаг тэгэж л урс. Урд чинь саад байвал тойроод урс. Хэт өргөн саад байвал даваад урс. Даваж чадахгүй бол буцаад урс. Оргилон бургилан урс.

Урсгал байгаад голдрилоо олчихвол
Урсаад бай урсаад бай үрс минь.
Урсгал байгаад голдрил байхгүй бол
Урсах зүг чинь голдрил чинь болно.

Урсаад бай урсаад бай үрс минь.

13 comments:

  1. гүээ нээрээ чи авъяастай юм аа :)
    сэтгэлзүйн асуудлуудыг тоглоомын онолоор тайлбарлана гэлээ, тэрийгээ жаахан сонирхуулахгүй юу би тоглоомын онолыг нь ч мэддэгүй юм л даа.

    Урсгаад өгнө өөө..

    ReplyDelete
  2. Ойлгогдож байхыг бодвол олиггүй эд бололтой.

    хаха, сайхан хэллээ ..,

    ReplyDelete
  3. Таалагдлаа.Сайхан бичсэн байна. Өөрөө их өвөрмөц мөртлөө гоё бичдийм байна.

    ReplyDelete
  4. skin чинь хүртэл таалагдаад байна шүү.

    ReplyDelete
  5. Falcon > Хэхэ. Аан тэр тоглоомын онолын тухайд бол би ч өөрөө мэдэхгүй. Яг энэн бичлэг дэхь наад мөр чинь бол хоосон бардамнал юм :P
    ...Урсгаад өгнө өөө...
    гэсэн байх юм. За нөхөр минь жаахан бодолтой урсдаг юм шүү. Хаа хамаагүй урсаж яваад хэрэг тарьчихаад энэ нөхөр намайг урс гэсэн тэгээд урсаж яваад ийм болчихлоо гээд над руу заачихсан ярьж байв даа хөө :)) Тэрнээс бусдаар бол ч урсаад бай урсаад бай!

    Ollie > Хэхэ баярлалаа. Оршил үг л дээ. Гэснээс би чамайг ерөөсөө ойлгодоггүй шд? Чи ер нь өөрийгөө үнэхээрийн ойлгомжгүй гэдгээ мэдэх үү? Би лав ойлгож үнэхээр чадахгүй юм билээ. Чадал минь хүрэхгүй байгаа бололтой юм. Тэгэхлээр чи лав ... :))

    Undraka > Өө Баярлалаа :)
    Ингэхэд skin гэдэг чинь юу билээ? Арьс бил үү? шарх билүү? :P

    ReplyDelete
  6. урсаж явахад угаасаа хэрэг тарихгүй байна гэж байхгүй, гэхдээ санаа зоволтгүй ээ чамайг яах ч гүй кэкэ

    ReplyDelete
  7. сонин юмаа. би чинь ууг нь дэлгээтэй ном шиг л ойлгомжтой хүн ш д :р

    ReplyDelete
  8. Falcon > За яамай даа. Баярлалаа. Урсаад бай урсаад бай.

    Ollie > Яаж ч дэлгэгдсэн яагаад ч би чамайг ойлгохгүй юм байна... Ямар хэл бичгээр яаж бичигдсэн ном юм бэ дээ?

    ...Ойлгочихмоор л байна. Даанч ойлгочихоор чи олиггүй болчих гээд байна шд... :P

    ReplyDelete
  9. миний өөрийн зохиосон хэлээр бичигдсэн ном гсн, лол.

    худлаа яриал, ойлгохоор олиггүй болохдоо биш, ойлгохгүй байгаагаа юу гээд нуугаад байгаан :р

    ReplyDelete
  10. Ошог нэлээд уншдаг бх тиймүү

    ReplyDelete
  11. Ollie > Ойлгохгүй нь дээ ойлгохгүй нь. Овилго, ааш 2-ыг чинь ойлгохгүй нь :P

    Арима > Хэхэ. Хэд гурван ном орчуулагдаж гарсан байсныг нь уншсан. Дажгүй шүү.

    ReplyDelete
  12. ӨӨ одоо яг гоё сэтгэгдэл бичнээ дурлалын тоглоомын онолоор тайлбарлавал нээрээ оновчтой юм байна шүү тэгэхээр Нэшийн тэнцвэр нтр гээд л яривал дурласан хоёр хоёулаа хэргээ хүлээвэл тэнцвэр тогтоод аятайхан юм байна хаха

    ReplyDelete
  13. хаха. Нэшийн тэнцвэрээр яривал "prisoner`s dilemma"-г арай өөрөөр загварчилж үзье л даа. (ингэж дураараа загварчилж математикчилж, дурлалд хүндэтгэлгүй хандаж болж байна уу даа ер нь? :P)

    бүсгүй залуу хоёр нэг нэгэндээ дурлажээ. гэхдээ нөхцөл байдлыг төвөгтэй болгож байгаа нь юу гэхлээр, хоёулаа хүн үнэмшихийн аргагүй байдлаар дурласан. (яахав дээ ийм юм байдаг шүү дээ, анхны харцаар энэ тэр биш юм аа гэхэд, зүгээр л тэр хүнийг хорвоо дээр байдгийг нь мэдээд л дурлачих тохиолдол хүртэл байдаг шүү дээ, яг л иймэрхүү үнэмшимгүй романтикаар дурласан байг)
    тиймээс хэн хэн нь дурласан сэтгэлээ илчлэх тал дээр эргэлзээтэй (dilemma) байгаа болог.

    тэр хоёр тус тусдаа шийдвэр гаргах бөгөөд хоорондоо үгсэх боломжгүй гэж үзье (угаасаа "prisoner`s dilemma" дээр ингэж үздэг байх аа? :D), мөн хэн хэн нь өөрийнхөө дурласныг мэдэж байгаа боловч, нөгөөгийнхөө дурласан талаар огт мэдэх боломжгүй гэе.

    хэрвээ хэн нэг нь түрүүлж сэтгэлээ илчлэх ба, нөгөө нь хүлээж авахгүй бол тэр хоёрын харилцаа бүрмөсөн төгсөнө хайр сэтгэлийн тал дээрх хамаг найдлага нь тасарна, харин хоёулаа дурлалцсанаа зөвшөөрөлцвөл сэтгэлээ ойлголцоод амар сайхандаа жаргах жаргах ба хэн нь ч түрүүлж сэтгэлээ илчлэхгүй бол тэр хоёрын хоорондох харилцаа ямар ч гэсэн төгсгөл болохгүй хэрнээ жирийн л танилууд хэвээр үлдэнэ гэж "үзье". Хэрвээ ингэж "өгөгдсөн" бол мань хоёр ямар стратеги сонгох вэ?

    оролцогч бүрийн хувьд стратегиэ өөрчлөх нь машид эрсдэлтэй буюу, харамсалтай байгаа тэр төлөв болох Нэшийн тэнцвэр тэгэхээр ямар үед тогтох уу?

    Тоглоомын онолоор бол мань хоёрын хэн нь ч сэтгэлээ илчлэхгүй байх тохиолдол л Нэшийн тэнцвэр болж таарах гээд байна уу даа?

    Тэгэхлээр, харамсалтай нь Нэшийн тэнцвэр маань тийм ч өөдрөг сэтгэгдэл төрүүлэхүйц гарахгүй байна, яадаг юм билээ, тоглоомын онолыг зөрчдөг ч юм бил үү? :P

    ReplyDelete