Байдал

Ойлгохгүй байна. Ойлгох гэсэн оролдлого хийгээд байгаадаа залхаж байна. Нэг мэдэхэд л оролдчихсон байх юм. Өөрийнхөө байдлыг ойлгохгүй байна. Ойлгох гэж оролдсоны дараа дандаа л их зовиур мэдрэх юм.

Эрүүл мэндээс болж сэтгэл санаа доройтоод байна уу? Сэтгэл санаанаас болж эрүүл мэнд доройтоод байна уу мэдэхгүй байна. Ямар ч гэсэн байдал их дордож байна. Эмч хэрэгтэй байна уу, сэтгэлзүйч хэрэгтэй байна уу эсвэл зөвхөн тэр л хэрэгтэй байна уу. Ёстой мэдэхгүй байна.

Суугаад л байхаар бас л тэгнэ. Сууж байгаад босохоор бас л тэгнэ. Босоогоороо байгаад байхаар бас л тэгнэ. Эргээд суухаар бас л тэгнэ. Хэвтэхээр бас л тэгнэ. Хэвтэж байгаад босохоор... Ялгаагүй л тэгнэ: Үе үехэн тархи толгойгоор сонин юм болоод ухаан балартаад муужирчих гээд байх юм. Тэгэхлээр эрүүл мэндээс болоод ч байгаа юм шиг.

Айсан. Нээрэнгээсээ их айсан. Яаж солиорч байснаа санаад дахиж давтагдах вий гэж айсан. Нөхцөл байдал өөрчлөгдөхгүй бол давтагдаж л таарна. Яадаг юм билээ...

Үе үехэн тайван амгалан болчихно. Тэгээд тэр байдлаараа их удаан байх юм шиг санана. Бас гэнэт л тэр тайван байдал нь юу ч үгүй алга болчихно. Гэвч энэ байдлаа түр зуурынх гэж бодно. Тэгэж бодож их удаан явсан. Гэвч тайван байдалтай байх хугацаа маань улам улмаар багассаар байгааг саяхан л анзаарсан. Аль нь түр зуурынх юм болоо? Тайван байдал маань уу?

Амрах ёстой юу ажиллах ёстой юу. Шамдах ёстой юу налайх ёстой юу? 2-ууланг нь зохицуулах ёстой юу? Ямар нэг "ёстой" байх ёсгүй юм уу?

"Асуудал юунд байгаа вэ гэхлээр асуудал байгаа гэж бодож л байгаад байна. Би зүв зүгээр л байна." гэж өөртөө итгүүлэх гэж өдөржин үглэнэ. Гэвч ямар нэг асуудал байгаад л байгаа нь илт байна...

Өглөө нь нэг хүн, орой нь шал өөр хүн. Өдөр нь яагаад байгаа нь мэдэгдэхгүй өнгөрчихнө. Үдэш нь авирласнаа, бичсэнээ өглөө нь гайхна. Бараг л устгана, нуун далдална. Тийм юм бичээгүй, болоогүй гэж бодно.

Эвлэрдэг ч юм уу дөө. Нэгэнт өнгөрсөн. Эвлэрэх хэрэгтэй. Яагаад ч чадахгүй юм байна. Хүлээн зөвшөөрлөө. Өөрийгөө ямар нэг сэтгэлзүйн гэдэг бил үү сэтгэхүйн гэдэг бил үү юм уу ямарыг нь мэдэхгүй нэг балай эмгэгтэй болчихсон байгааг. Болчихсон ч гэждээ ер нь байдаг юм байна. Би чинь ийм л юм байна. Их удаан ийм явсан байна. Нууж чадахгүй нь.

Байдалтайгаа эвлэрлээ. Эргүү солиотой гэдэгтэйгээ эвлэрлээ. Би бууж өглөө. Тайван, намуухан байх гэсэн оролдлогоо зогсоолоо. Нэг сайхан хашгирч авах минь. Тэгээд хашгираандаа байж чадан тарчлах минь...

Хүнтэй уулзахаар зүв зүгээр болчихно. Зүв зүгээр байгаа гэж сайхан жүжиглэнэ. Жүжиглэхийн тулд, жүжиглэж зүв зүгээр байгаагаа мэдрэхийн тулд хүмүүсийн дунд байх гэж оролдсон. Гэвч хичнээн ур чадвартай байлаа гээд өөрөөсөө бултах аргагүй. Жил тойрон бултсан. Тэгээд ганцаараа байж энэ байдалтай нүүр тулах хэрэгтэй гэж бодоод нүүр тулсан...

Энэ стресс лав биш. Стресс хамаагүй дотно санагдаж байна. Хуурмаг ч гэсэн яадаг юм. Инээмсэглэе. Хүч гарган инээмсэглэж хүч чадлаа гайхая :)

12 comments:

  1. за хөө энэ чинь нэг нөгөө нэг "Гэм Зэм" гээд ном уншиж байгаа юм шиг сэтгэгдэл төрүүлдэг байна ш дээ. "Гэм Зэм"-ийн гол баатар яг л ингээд байдаг юм даа. :-)

    Өөрийг чинь яагаад ингээд байгааг мэдэхгүй л дээ. Гэхдээ магадгүй өөртөө хэтэрхий их үүрэг хариуцлага хүлээлгээд байгаа мэт санагдав.

    Ямар нэгэн сэтгэл зүйлч хайлгүйгээр өөрийгөө л хайгаараа гэж хүсэх байна.

    ReplyDelete
  2. This comment has been removed by the author.

    ReplyDelete
  3. Dream gej naiz yunii tuld baidag bilee. bas naashaa ireed nadaar gants saihan algaduulchaach teel bolood yavchina :)

    ReplyDelete
  4. haha algaduulchih uu? zangga alnaa

    ReplyDelete
  5. дэндүү завтай бгаамуу эсхүл дэндүү нэг нэвийн амьдраад бгаамуу? Жоохон ч гэсэн өөрчлөлт хийгээд үзүүл яадын бол? Нэг орой сайхан уугаад л тгд клуб орж сайхан бүжиглээд л хөөрхөн охин бвал утсаа өгчих гээд л. Клубыг хаатал байж байгаад үүрээр солнгос хоолонд ороод тгд өглөө үргэлжүүлээд ажилдаа яв. хэхэ сайхан шоуд

    ReplyDelete
  6. Боломж нь байвал амьдралын хэв маягаа жоохоон өөрчлөөд үзвэл яасийн найзаа :)

    ReplyDelete
  7. харин ч хэвийн бус амьдраад байгаа юм биш үү
    психоастеник паранойяа болсон нь..

    ReplyDelete
  8. Цэцболд > Хэхэ. "Гэм зэм" -ийн баатар чинь нэг бүтэлгүй, балай солио нь дэндчихсэн, булай оюутан залуу байдаг байх аа? (аая хөөрхий Родя-г бут авсан :P)
    Санаа тавьсанд баярлалаа хө.

    Өөрийгөө хайх гэдэг ч дажгүй санаа шүү. "Гэхдээ өөрийгөө дангаар нь хайна гэж байхгүй байх. Өөрийгөө хайх явдал нэг өдөр мухардалд хүрдэг. Яагаад гэвэл өөрийгөө хайснаар өөрийгөө олно гэж байхгүй. Өөр хүнийг бас хайх хэрэгтэй. Бас өөр хүнийг хайх явдал бас дангаараа бас ямар нэг мухардалд хүрдэг. Тиймээс өөр хүнийг олохын тулд өөрийгөө олох хэрэгтэй. Өөрийгөө олохын тулд өөр хүнийг олох хэрэгтэй. Хэрвээ өөрийгөө хайснаар л олчихсоноор л болчихдог, бүрэн дүүрэн болчихдог бол өөр хүмүүс яах гэж байгаа юм бэ? Өөр хүнийг л олчиход бүрэн дүүрэн болчихдог юм бол өөрөө яах гэж байгаа билээ?"гэж боддог байлаа шүү дээ. Тэгтэл... :P

    Zangga, Dream > Хмм. Dream сэтгэлзүйч, Zangga эмч юм биз дээ. Эмч нь алгадаж эмчлэх гэж байгаа юм байна. Сэтгэлзүйч нь харин юу гэчихвээ. "Алнаа" гэнэ үү? За больёоо. Өвчтэй хэвээрээ л байж байя :P

    Undraka > (Баярлалаа) Хэхэ. Дэндүү их завтай байж магадгүй л юм. Зав багатай ч гэсэн гар хөлөө их бага хөдөлгөөд байгаагаас болсон байж магадгүй...
    Энд дэвшүүлсэн хувилбар чинь их дажгүй хувилбар байна шүү. Одоо үед ч бараг л "сонгодог" хувилбар болчихож дээ :) Гэхдээ л (зөрүүдлэв :P) чанга хөгжим, салга бүжиг, хурц өнгө, салам үйлдэл, илчит хоол, эрчлэн ажиллах... ялгаагүй л аргацаахаас цаашгүй :)

    Өнөржаргал > Баярлалаа хө. Гэхдээ боломж нь алга даа :P

    Falcon > Хаха. Паранойяа шиг байна уу? Хэвийн, хэвийн бус гэж ямрыг нь хэлдэг юм?

    ReplyDelete
  9. Ингэж байхаар үхчээчдээ хаха, наргисийшүү, тэгэхдээ ингээд байгаа бол яахав дээ уншихад зугаатай хэн нэгэнд унших бодох юм өгч байна шд. хөөрхөн хүүхэд шүү, хэвлүүхэн юм ярьчдийн хэхэ

    ReplyDelete
  10. энэ хүүхэд хэзээдээ ийм юм бичээд би уншилгүй хаагуур нь өнгөрчихөв /нээрээгээсээ гайхав/

    Намайг Ууганаа эгчийг таньдагийг чи мэднэ тэ? хэхэ,гомдчихвоо хүүхдээ :)

    ReplyDelete
  11. Boogii > Хэхэ. Баярлалаа хө. Гайхалтай ухаалаг наргиа байсан шүү :P
    Байдал маань зугаатай санагдаа юу? Нээрээ энэ байдал зугаатай ч юм уу? :D

    Snoop > Хэхэ. Харин л дээ хаагуур өнгөрсөн юм бол доо? :P
    Яагаад гомдоно гэж? Ойлгосонгүй /нээрээгээсээ гайхав/ :P

    ReplyDelete
  12. Gaihaltai yuma, hun yamar uyed iim boldgiig odoohondoo oilgohgui yum shig bno

    ReplyDelete